Шатқалда барлығы 18 таңбалы құз бар. Жоғары сапада тасқа қашап салынған суреттер мен бейнелер шеберлікпен ойылып өрнектелгендіктен, осы жұмыстың сұлба сызықтары аса әсемді және келісті деп танылады. Суреттер XIV-XVI ғасырларда жасалған. Жинақтап айтқанда Тамғалы-Тастың бейнелері ашық аспанда орналасқан Будда ғибадатханасы іспетті.

Ғалымдар әлі күнге дейін шатқалдың сырын аша алмай жүр. Алайда халық арасында жартасқа салынған буддизмдік суреттердің шығу тарихын бұрынғы аңыздардан табуға болады. Солардың біріне сүйенсек, былай делінген. Шатқалдың бойымен, өзенге жете берген керуен қатты жерсілкініске тап болады. Биік тік құздардан суға жұмыр тастар домалап, өзеннің өзіндік өткеліне айналып кетеді. Буддизмді тұтынушылар мұны құдайлардың берген көмегі мен батасы деп қабылдап, бөлініп қалған тастың бір бөлігіне Будданың бейнесін ойып салады.

Тамғалы-Тас мәдени ескерткіш ретінде Қазақстан өкіметінің қорғауына енген және шатқалға кіре берісте тақтайшаға аспан астында орналасқан Будда ғибадатханасы деген белгі жазылған.